"HATO'O NO SIMU DOMIN"
Husi: Leonardo Alexandrino Moniz
O hatene ga lae?
Hau nia ahi domin nian
kleur ona lakan
ohin lakan makas liu tan
até hau laiha ona forsa atu satan
nune'e hau tenke hatete ohin
Hau nia sentimentu domin nian
O mak loron kalan
ne'ebé sempre iha hau nia hanoin
ne'ebé halo hau hamnasa midar mes-mesak.
Kleur teb-tebes ona
Hau hein hela o nia liafuan ne'e
Hau nia fuan haksolok tebes
hodi simu o
O hau nia doben
Ohhh Hau nia doben
O mak kleur ona hau gosta
O mak kleur ona Hau hadomi
O mak kleur ona sempre iha hau nia hanoin
O nia lalatak sempre mai habosok bebeik hau
iha ne'ebé deit no sá tempu deit
Mai it'rua hamutuk
hodi halao domin
# Perumnas, Bairro-Pité, Dili
# 04/06/2020, 20:48
